Најмалку осум лица се повредени во вчерашниот масовен напад на руските сили врз енергетските објекти во Киев.
Градоначалникот на Киев, Виталиј Кличко, изјави дека е можен нов руски напад врз Киев во наредните денови и ги повика жителите на главниот град да подготват залихи од вода, комплети за прва помош, храна и да ги полнат автономните уреди за напојување.
„Ситуацијата е комплицирана. И да ја кажеме вистината и да не се лажеме себеси. Бидејќи непријателот не запира. Се предвидува нов напад во наредните денови“, напиша тој на Телеграм, пренесува Укринформ.
Нападите на Русија врз инфраструктурата ги смени приоритетите на украинската одбрана, а тоа го потврди и украинскиот претседател Володимир Зеленски
Зеленски објави дека Украина штити 203 од најважните инфраструктурни објекти со приоритет на воздушната одбрана, кои се поврзани со енергетскиот и гасниот систем, како и со водоснабдувањето. „Не сакам точно да кажам што направивме и колку системи имаме, но разбирате дека станува збор за 203. Има уште многу објекти, но зборувам за клучните – оние поврзани со енергетиката, гасните системи, водоснабдувањето итн.“, им рече Зеленски на новинарите, објави денес Укринформ.
Војната во Украина почна во фецруари 2022 година и трае 1.325 дена.
