Украинските одбранбени сили известија дека извршиле удари врз нафтениот терминал Таманјефтегаз кај селото Волна во Краснодарскиот крај на Русија, како и врз противвоздушниот ракетно-топовски комплекс Панцир-С1 на Крим, соопшти денес Генералштабот на украинската армија.
Во соопштението објавено на Фејсбук, се истакнува дека овие акции се дел од континуираните мерки за намалување на офанзивниот и економски потенцијал на рускиот агресор:
„Единиците на Одбранбените сили на Украина продолжуваат да извршуваат удари врз важни воени и стратешки цели на непријателот длабоко на неговата територија и на ТОТ (територијално окупирани територии)“.
Посебно е потврдена штетата на нафтениот терминал Таманјефтегаз, каде што избувнал пожар на територијата на објектот, пренесува Ukrinform.
