Истовремено, руските власти соопштија дека нафтен терминал во близина на пристаништето Новоросијск прекинал со работа поради удар од дрон.
Извор од украинската служба за безбедност (СБУ) изјави за AFP дека танкерите „Kairo“ и „Virat“ биле погодени со дронови во заедничка операција на СБУ и украинската морнарица. Според информациите, бродовите се движеле кон Новоросијск, каде требало да го дополнат товарот со гориво.
Од руската страна, Каспискиот нафтен конзорциум (CPK), кој управува со еден од најголемите терминали во регионот, соопшти дека објектот утрово го прекинал работењето откако еден од трите везови бил сериозно оштетен во напад со беспилотна леталица. „Утоварот и сите други операции се стопирани, а танкерите се пренасочени“, наведуваат од CPK, додавајќи дека нема повредени.
Компанијата не прецизираше кој е одговорен за нападот.
CPK го снабдува светскиот пазар со околу еден процент од глобалните залихи на нафта, а преку нафтовод долг повеќе од 1.500 километри пренесува околу 80% од казахстанската сурова нафта до терминалот кај Новоросијск на брегот на Црното Море.
Нападите претставуваат ново влошување на безбедносната состојба во регионот и дополнително го усложнуваат поморскиот сообраќај низ Црното Море.
Извор: N1info.rs
