Во парискиот регион денеска е уапсено уште едно лице осомничено за учество во драматичниот грабеж што неодамна се случи во светски познатиот музеј Лувр. Според пишувањето на весникот Паризиен (Le Parisien), уапсениот е четврти осомничен во овој случај и постојано им бил познат на полициските служби по разни кривични дела.
Истражителите веруваат дека тој е директно поврзан со тројцата веќе притворени и обвинети за организирање и извршување на кражбата. И покрај новото апсење, полициската акција продолжува, а потрагата по украдените скапоцености сè уште е во тек. Властите очекуваат нови информации кои би помогнале во откривање на точната локација на вредните предмети и целосно расчистување на случајот.
