Покрај авионските билети и сместувањето, на патувањата треба да се смета и на туристичките такси кои ги наплаќаат многу европски градови.
Овие износи варираат од неколку евра по ноќевање во помалите места, до над 15 евра по лице во луксузно сместување во престолнини како Париз. Ова е преглед на туристичките такси во 30 најпопуларни европски дестинации, за да знаете колку ќе платите за вашиот престој.
Патниците треба да знаат дека таксите зависат од типот на сместување – категоријата (хостел, апартман, хотел), а некои градови наплаќаат повеќе во туристичката сезона. Обично се плаќа при пријавувањето во сместувањето, а многу градови ослободуваат деца или одредени групи од плаќање, пишува Kamatica.
Туристички такси по градови:
Западна Европа
- Амстердам (Холандија) – 12,5% од цената на сместувањето
- Париз (Франција) – до 15,60 евра по лице, по ноќ
- Барселона (Шпанија) – 4 евра по лице, по ноќ
- Венеција (Италија) – 5 евра за дневни посетители или до 10 евра за last-minute резервации
- Рим (Италија) – 3 до 7 евра по лице, по ноќ
- Фиренца (Италија) – 1 до 5 евра по лице, по ноќ
Централна Европа
- Виена (Австрија) – до 3,20 евра по лице, по ноќ
- Салцбург (Австрија) – до 1,75 евра по лице, по ноќ
- Берлин (Германија) – 5% од цената на сместувањето
- Хамбург (Германија) – до 3 евра по лице, по ноќ
- Будимпешта (Унгарија) – 4% од цената на сместувањето
- Праг (Чешка) – 50 CZK (~1,97 евра) по лице, по ноќ
Јужна Европа
- Лисабон (Португалија) – 2 евра по лице, по ноќ
- Дубровник (Хрватска) – 2,65 евра по лице, по ноќ
- Атина (Грција) – 0,50 до 10 евра по соба, по ноќ, во зависност од категоријата
- Милано (Италија) – 2 до 5 евра, зависно од хотелот
Источна Европа
- Букурешт (Романија) – 2% дневно од цената на сместувањето
- Клуж-Напока (Романија) – 0,5% дневно
- Софија (Бугарија) – 0,50 – 1,50 евра по лице, по ноќ
Туристичките такси во Европа се задолжителен трошок кој често се занемарува при планирањето на патувањето. Со знаење на износите однапред, можете подобро да го планирате буџетот и да избегнете изненадувања при пријавата во хотел или апартман.
