Стругањето мраз од ветробранското стакло е еден од најнепријатните ритуали во зимските утра. Според авто-експерти, постои необичен, но едноставен начин со кој може да се намали или целосно да се спречи создавањето мраз преку ноќ – користење обичен кромид.
Советот е едноставен: кромидот се сече на половина и навечер, пред спиење, со него се пребришува ветробранското стакло. Природните масла што ги ослободува кромидот создаваат тенок заштитен слој на стаклото, кој спречува задржување на капките вода и нивно замрзнување. Истовремено, овој слој помага и во разградување на мразот додека се формира.
Авто-стручњаци појаснуваат дека ваквата заштита не го оштетува стаклото и може значително да го олесни утринското чистење, особено во услови на ниски температури и висока влажност.
Покрај овој трик, возачите советуваат и други проверени методи – користење заштитна навлака или крпа за ветробранското стакло преку ноќ, вклучување на одмаглувањето неколку минути пред тргнување, како и користење квалитетен пластичен стругач. Она што експертите јасно го нагласуваат е дека полевањето со вода, особено топла, е најлошата опција, бидејќи може да доведе до пукање на стаклото и создавање уште повеќе мраз.
Со неколку едноставни навики, зимските утра можат да започнат без непотребен стрес и губење време.
