Претседателот на Соединетите Американски Држави, Доналд Трамп, изјави дека изгледа како Хондурас „се обидува да ги промени резултатите од своите претседателски избори“, наведувајќи дека изборната комисија на таа земја предвремено престанала со пребројување на гласовите.
„Ако го направат тоа, ќе биде пекол! Народот на Хондурас гласаше во огромен број на 30 ноември“, напиша Трамп на платформата „Truth Social“.
Претседателските кандидати во Хондурас, Насри Асфура и Салвадор Насралја, беа речиси изедначени при последното пребројување во понеделник, секој со нешто помалку од 40 проценти од гласовите, во трка која беше следена со проблеми на веб-страницата за резултати, истакнува Ројтерс.
