Компанијата OpenAI, која стои зад популарниот четбот ChatGPT, објави дека успешно затворила нов инвестициски круг вреден дури 122 милијарди долари.
Со оваа инвестиција, вкупната проценета вредност на компанијата достигна 852 милијарди долари, со што OpenAI се позиционира меѓу највредните приватни компании во светот, пренесува The Guardian.
Амбициозна визија за иднината
Во официјалното соопштение, од компанијата истакнуваат дека вештачката интелигенција игра клучна улога во трансформацијата на глобалната економија.
„Вештачката интелигенција го поттикнува растот на продуктивноста, ги забрзува научните откритија и ги проширува можностите за поединците и организациите. Оваа инвестиција ни дава ресурси да продолжиме да водиме во момент кој го бара тоа“, соопштија од компанијата.
Раст на приходите
Дополнително, OpenAI наведе дека остварува месечни приходи од околу 2 милијарди долари, што дополнително ја потврдува експанзијата на секторот за вештачка интелигенција.
На чело на компанијата е извршниот директор Сем Алтман, кој веќе подолго време е една од клучните фигури во развојот и глобалната примена на AI технологиите.
