Mинистерот за здравство, Арбен Таравари изјави дека 20 пациенти се во критична состојба. Дел од нив ќе се пратат на лекување во странство.
-Крв има доволно во сите болници. Се надева дека ќе ги спасат сите деца. Во Бугарија, Турција, Србија ќе бидат однесени по неколку пациенти. Се понудија и Албанија и Холандија- изјави Таравари.
Тој вели дека повредите се генерално изгореници, но има и дел со скршеници. Во Штип има 39 пациенти. Некои од нив имаат изгореници од втор степен.
Во пожарот во дискотеката во Кочани ноќеска настрадаа 59 луѓе.
