Епидемијата, предизвикана од контаминирана храна или вода, се проширила на сите 18 сојузни држави во земјата, откако избила во јужната држава Касала во јули минатата година.
Заменицата на претставникот на СЗО во Судан, Хала Худари, изјави дека организацијата започнала вакцинација на 406.000 луѓе во Северен Дарфур, но бројот на случаи продолжува да расте со „алармантна стапка на смртност“. До неделата се пријавени околу 12.739 случаи и 358 смртни случаи во повеќе од половина населени места во Дарфур.
Епидемијата стигнала во западниот Дарфур во мај, а продолжува да се шири поради ограничен пристап до здравствени услуги и други основни потреби, предизвикан од граѓанската војна која започна во април 2023 година. Во конфликтот загинаа најмалку 40.000 луѓе, а 12 милиони други беа раселени.
И двете страни во суданскиот конфликт се обвинети за етничко чистење, егзекуции надвор од суд и сексуално насилство врз цивили, вклучително и деца.
Во моментов, многу луѓе во Судан се доведени на работ на глад, а ограничениот пристап до чиста вода, храна и здравствена заштита ја влошува епидемиолошката ситуација. Вкупно се пријавени над 113.600 случаи и над 3.000 смртни случаи во целата земја, со стапка на смртност од 2,7 проценти.
Извор: N1info.rs
