Две лица загинаа на северот на Италија по серијата свлечишта предизвикани од обилни дождови, соопштија денеска локалните власти.
Меѓу загинатите е 32-годишен Германец кој неодамна се доселил во селото Брацано ди Кормонс. Спасувачките екипи го пронајдоа и телото на 83-годишна жена чијата куќа била целосно затрупана од земјиштето, информира италијанската противпожарна служба.
Регионoт денови наназад е погоден од интензивни врнежи што поплавија улици и подруми, а во Брацано свлечиштата уништија три куќи.
Според првичните информации, 32-годишниот маж успеал да се извлече на безбедно, но се вратил назад за да ја предупреди својата 83-годишна сосетка. Во тој момент се активирало ново свлечиште кое ги затрупало и двајцата.
Локалните власти ја опишаа трагедијата како „страшен потсетник на опасностите што ги носат екстремните временски услови“ и ја истакнаа храброста на младиот човек кој загинал обидувајќи се да спаси друг живот.
