Во инцидентот се повредени вкупно осум лица, од кои двајца потешко.
Несреќата се случила за време на полуфиналето во дисциплината Кирин, кога велосипедистите, возејќи со брзина од 60 километри на час, изгубиле контрола во последната кривина и прелетале преку заштитната ограда директно во публика.
На местото на несреќата интервенирале два хеликоптери и шест амбулантни возила. Повредените гледачи се пренесени во болница, а двајцата со потешки повреди биле евакуирани со хеликоптер. Германската велосипедска федерација (BDR) соопшти дека нивната состојба веќе не е критична.
Самиот судир го преживеале и велосипедистите, кои поминале само со полесни повреди – гребнатини и модринки.
„Здравјето на спортистите и гледачите е секогаш на прво место. Откажувањето на натпреварот беше неизбежно“, изјави Оливер Штрајх од BDR, додавајќи дека сите им посакуваат брзо закрепнување на повредените.
Претседателот на велосипедскиот клуб Дуденхофен, Јенс Хартвиг, изјави дека е шокиран од инцидентот: „Веќе пет дена се одржуваше фестивал на велосипедизам. Никој не сакаше да заврши вака.“
Извор: N1info.rs
