„Очекуваме многу колеги од цела Србија. Програмата официјално започнува со пристигнувањето на велосипедистите во 19 часот и 30 минути. После тоа ќе пристигнат колегите кои пешачат, а целокупниот пречек ќе го засилат студентите на Факултетот за музичка уметност и нашиот блокаден хор, на кои сме им неизмерно благодарни за сè што прават.
Студентката изјавила и дека нејзините колеги имаат проблеми со превозот, но дека граѓаните може да се пријават да ги возат студентите до Белград. „Се надеваме дека нема да има никакви проблеми“, рече таа.
Таа посочи дека студентите се вознемирени поради целата ситуација кога се споменува насилство.
„Студентите отсекогаш повикувале на мирни собири и на мирни протести. Сакаме да го зачуваме академскиот интегритет и засекогаш ќе се дистанцираме од овие работи. Не е во ничиј интерес да се случи насилство и се надеваме дека никогаш нема да се случи“, рече таа.
Таа изјави дека очекуваат утрешниот митинг во Белград да биде „најголемиот митинг во историјата на Србија“.
„Очекуваме се да помине без насилство и неизмерно сме благодарни на нашата безбедносна работна група.
„Апелираме до граѓаните да ги слушаат нашите службеници кои ќе ги упатуваат и ќе ги пренесат сите важни информации“, додаде таа.
