По нападот на четворица студенти, во центарот на Нови Сад беше одржан протест кој заврши 10 минути по полноќ. Во знак на солидарност, студенти и граѓани протестираа и во Белград и во Крагуевац. Студентите во Белград прошетаа до зградата на РТС и „Политика“.
Студентите најавија и дека со велосипеди ќе патуваат од Нови Сад до Стразбур, „за да се обратат до Европскиот парламент и судовите“.
Протестите кои започнаа по падот на надстрешницата во Нови Сад, се уште траат и ќе продолжат велат студентите, се додека нивните барања не бидат исполнети.
