„Месеците и годините минуваа без апсења за: падот на надстрешницата, трагедијата во Лучани, убиството на Цвијан, прегазено дете на пешачки, претепани студенти од ФДУ, пад на хеликоптер… А поради фрлање лименка и истурање вода се уапсени повеќе од 10 луѓе. Сите на Нов Белград!“, порачаа студентите во блокада.
Протестот пред Полициската станица Нов Белград беше организиран по повик од студентите, кои бараат ослободување на своите колеги. Сè уште не е јасно каде се приведените, но се претпоставува дека се токму во оваа станица, бидејќи е најблиску до Студентски град.
Насобраните граѓани скандираа: „Пуштете ги сите!“ и „Пумпај!“.
Според извештаите, студентот Милош Павловиќ, кој во јавноста е познат како претставник на групата „Студенти кои сакаат да учат“, синоќа накратко се појавил во студентскиот дом „Студентски град“, каде бил пречекан со скандирања, повици и истурање вода од страна на други студенти.
По инцидентот се огласи и Академскиот пленум, кој од министерот за здравство Златибор Лончар побара јавно да го објави медицинскиот извештај за наводните повреди на Павловиќ. Тие прашуваат како е можно Павловиќ вечерта да биде во инвалидска количка во Ургентниот центар, а веќе наредното утро без видливи повреди да се појави во кабинетот на Вучиќ.
