По најголемиот протест во историјата на Србија на 15. март во Белград, студентите во блокада продолжуваат со акциите додека нивните барања не бидат исполнети.
Тие вчера се собрале пред Ургентниот центар, а потоа и пред Министерството за здравство. Студентите бараат информации за бројот на пациенти кои се јавиле со тегоби по инцидентот за време на саботниот протест, но и оставка од Златибор Лончар. Петицијата за истрага на ОН поради можна употреба на звучен топ ја потпишале повеќе стотици илјади луѓе.
Вработените на Медицинскиот факултет и установите за култура во Белград започнуваат со штрајк. Утре, во целодневен штрајк ќе започнат и вработените во судовите, јавното обвинителство и заводите за извршување кривични санкции.
