Студентите од разни делови на Србија продолжуваат со патот кон Ниш, каде што за сабота е најавен голем протест. Меѓу нив има студенти кои патуваат со велосипеди и оние кои пешачат од градови како што се Бор, Чачак, Крагуевац, Бујановац, Јагодина и Ќуприја. Сите тие имаат иста цел и ја имаат истата упорност, а на патот ги следат аплаузи и поздрави од жителите на секое место низ кое поминуваат.
По средбата во Крушевац, каде што биле дочекани со солзи, прегратки и аплаузи, студентите преноќија во училиштата и сега, заедно со матурантите од Ужице, Чачак, Крагуевац, Трстеник и Александровац, продолжуваат патот кон југозапад.
Во сабота во Ниш студентите од сите универзитети во Србија ќе одржат голем студенстки протест.
