Ова го најавија студентите Вељко Алексиќ од Факултетот за политички науки во Белград и Ѓорѓе Петровиќ од Филозофскиот факултет во Ниш, во изјава за „Инсајдер“.
Како што велат, протестот на 28 јуни се разликува од оној од 15 март, бидејќи во меѓувреме се промениле општествено-политичките околности. „Тогаш многумина мислеа дека 15 март беше кулминација на борбата, но сега гледаме на 28 јуни како на момент на засилување и забрзување на целиот процес“, изјави Петровиќ.
Тој нагласува дека последните три месеци донеле уште посилни репресивни мерки, што го менува контекстот и го зголемува значењето на протестот.
Неговиот колега Алексиќ додаде дека, иако е лето и некои луѓе се заморени од протестите, тоа не значи дека опаѓа поддршката. „Властите секогаш прогласуваат победа, но и тие ја губат енергијата – а уште поважно, ја губат поддршката“, рече тој.
Тие ги негираат шпекулациите за раздор меѓу студентите и професорите – професорите преферираат онлајн настава, но студентите не се согласуваат со тоа. „Нашите барања се принципиелни. Не влеговме во ова за да добиеме една година, туку за да добиеме правда. Затоа не се откажуваме од блокадите“, додава Алексиќ.
Онлајн наставата, вели тој, одзема многу време, дури и кога студентите не се целосно фокусирани, а блокадите остануваат главен начин на мобилизација.
