Група студенти од Универзитетот во Ниш ќе организираат протест в понеделник, 1 декември, под наслов „13 месеци, 16 жртви, 0 одговорни“.
Протестот ќе започне во 11:30 часот на раскрсницата пред зградата на Основниот суд.
Во повикот за протест објавен на социјалните мрежи, студентите потсетија дека поминале 13 месеци од падот на надстрешницата во Нови Сад, кога загинаа 16 луѓе поради, како што велат, „туѓа неодговорност и системска корупција која нѐ загрозува сите“.
За време на протестот ќе се одржат говори, 16-минутно молчење и студентски перформанс.
„Дојдете. Бидете глас кој нема да замолчи. Бидете глас за правда, за достоинство, за сите оние кои повеќе не можат да зборуваат. Заради нив. Заради нас. Заради иднината која не смееме да ја оставиме на неправдата“, наведоа студентите.
