Стотици студенти од Државниот универзитет во Нови Пазар продолжија со своето пешачење кон Уб во рамки на акцијата „16 дена за 16 жртви“. Тие тргнаа од Нови Пазар на 16 октомври, а граѓаните на Уб најавија дека ќе ги пречекаат вечерва во Градскиот парк. Целта на патувањето е да се стигне до Нови Сад на 31 октомври, за учество на комеморацијата по повод годишнината од падот на надстрешницата на Железничката станица.
Покрај нив, повеќе од 4.000 студенти и средношколци од Белград ќе тргнат пеш на 30 октомври кон Нови Сад, во знак на сеќавање и солидарност со жртвите. Организаторите предупредуваат дека поради големиот број учесници, секој што се придружува треба сам да си обезбеди сместување и логистика.
Студентите истакнуваат дека се благодарни за поддршката од граѓаните и ги покануваат на местата за пауза за заедничко делење на поддршка, насмевка и сила за продолжување на патот. Комеморативниот собир во Нови Сад е закажан за 1 ноември, каде сите учесници ќе се соберат за да оддадат почит на жртвите.
