На средбата беа поставени неколку конкретни точки, чија цел е олеснување на административните процедури за студентите:
- Дигитализирање на статистички обрасци кои студентите ги пополнуваат, преку соработка со Државниот завод за статистика и Министерството за дигитална трансформација, со цел да се обезбеди побрза размена на податоци меѓу институциите.
- Електронско аплицирање за ЈСП студентската картичка и за здравствено осигурување на студентите, со што ќе се елиминира потребата од физичко поднесување документи и долги административни процедури.
- Воведување на електронски упис на факултет, што ќе ја поедностави постапката за новите генерации студенти, намалувајќи го времето и ресурсите потребни за упис.
- Дигитализација на книгите за запишани и дипломирани студенти, со што ќе се обезбеди трајна заштита на податоците и полесен пристап до нив.
Овие иницијативи се насочени кон модернизација на високото образование, зголемување на ефикасноста и транспарентноста на административните процеси, и поедноставување на секојдневните активности на студентите.
„Со овие чекори, целиме кон поголема дигитализација и ефикасност на студентските услуги, што ќе им помогне на студентите и на образовните институции да ги намалат бирократските процедури и да заштедат време и ресурси,“ истакнаа од УСС при УКИМ.
Оваа средба е само еден чекор кон подобро и помодерно образование за сите.
