Најважниот совет што Џорџо Армани им го даде на жените е:
„Елеганцијата не е впечатливост, не е важно да бидете забележани, а будалите се впечатливи, важно е да бидете запаметени по вашата автентичност.
За Армани, елеганцијата не е синоним за екстраваганција, ниту за слепо барање внимание. Напротив, тој верува дека вистинската софистицираност лежи во едноставноста, во намалувањето на линиите, во ненаметливата хармонија помеѓу гардеробата и карактерот на жената. Според него, жената што знае која е и што сака, која не ги следи минливите трендови, туку го негува својот стил, остава најдлабок впечаток.
Армани често истакнува дека облеката не треба да ја „носи“ жената, туку да биде продолжение на нејзината личност.
„Не дозволувајте модата да ве надвладее. Удобноста, автентичноста и самодовербата се темелите на елеганцијата“, вели тој. Неговиот совет до жените е едноставен, но моќен – негувајте стил што зборува многу за вас, стил што трае подолго од кој било тренд.
За животот на Џорџ Армани
Секој би можел да каже дека Армани е многу елегантен и негуван маж, а веќе пишувавме претходно дека неговиот шарм бил тоа што сите жени биле луди по него, а тој водел љубов со мажи.
Тој ја основал својата модна куќа во 1975 година заедно со својот долгогодишен партнер и деловен соработник, Серџо Галеоти. Неговиот минималистички, но беспрекорен пристап кон кроењето, особено кај машките костуми, му донесе светска слава. Армани го редефинираше концептот на деловна елеганција и стана синоним за рафиниран италијански луксуз.
Иако ретко изложен и познат по својата резервираност, Армани е еден од највлијателните и најпочитуваните дизајнери на сите времиња. Денес, неговата модна империја вклучува сè, од висока мода, преку парфеми и мебел, до хотели.
И покрај годините, Армани продолжува да ја води креативната визија на својата модна куќа, останувајќи верен на вредностите што го направија познат: елеганција, чистота на формата и вечна посветеност на идејата дека модата е, пред сè, уметност на едноставноста.
