Под влијание на топол воздушен бран, времето ќе остане претежно сончево и стабилно, со пријатни дневни температури во поголемиот дел од регионот. Утринските часови ќе бидат посвежи, додека во текот на денот температурата ќе достигнува од 15 до 20 степени, што е релативно топло за овој период од годината.
Според прогнозите, ваквото време ќе се задржи и за време на викендот. Деновите ќе бидат сончеви и суви, а ноќите ќе останат посвежи. Во одредени планински и југозападни предели можно е попладне да се појави поголема облачност, со услови за краткотрајни врнежи или локални грмежи.
Метеоролозите предупредуваат дека во некои региони може да се засили ветерот, особено во рамничарските делови, но времето генерално ќе остане стабилно и пријатно за активности на отворено.
Промена на временските услови се очекува на почетокот на следната недела, кога се најавува зголемување на облачноста и појава на дожд и локални врнежи со грмежи, по што температурата постепено ќе почне да опаѓа.
