По долги истражувања научниците го создадоа првиот со помош на матични клетки. Во овој процес кој се смета за револуционерен потфат не се користени човечки гамети.
Научниците велат дека овие модели на ембриони, кои наликуваат на оние во најраните фази на човековиот развој, би можеле да обезбедат клучен прозорец за влијанието на генетските нарушувања и биолошките модели на повторени спонтани абортуси. Сепак, работата покренува и сериозни етички и правни прашања.
Структурите се уште немаат срце кое чука или почеток на мозок во развој, но тие вклучуваат клетки кои би можеле да ја формираат плацентата, жолчното кесе и самиот ембрион.
Шефот за биологија на матични клетки и развојна генетика, Робин Ловел Беџи, рече дека доколку навистина успеат да го моделираат нормалниот развој на човечкиот ембрион, оваа информација ќе биде од голема важност.
„Ќе знаеме многу повеќе за тоа како го започнуваме развојот и што може да тргне наопаку“, вели Ловел Беџи.
Претходно, научен тим од Израел покажа дека тие можат да поттикнат матични клетки од глушец да се соберат во раните структури слични на ембрионот со цревниот тракт, почетоците на мозокот и срцето што чука. Оттогаш, се води трка за пренесување на ова дело на човечки модели, а неколку тимови успеаја да ги реплицираат најраните фази на развој.
„Нашиот човечки модел е првиот модел на човечки ембрион со три линии што ги специфицира амнионските и герминативните клетки, клетките прекурсори на јајце клетките и спермата. Ако целата намера е овие модели многу да личат на нормални ембриони, тогаш на некој начин треба да се третираат исто, а во моментов во законодавството тоа не е случај. Луѓето се загрижени“, рече проф. Жерничка-Гец.
Се наведува дека синтетичките ембриони израснати од клетките на глувчето изгледаат речиси идентично со природните ембриони, но кога ќе се имплантираат во утробите на женските глувци, тие не успеваат да се развијат во живи животни.
Извор: theguardian.com
