Креаторите на платена содржина на платформата OnlyFans во Словенија имаат рок до 31 декември да ја пријават својата активност и сите приходи, вклучувајќи ги и оние остварени во претходните години.
Финансиската управа на Република Словенија (FURS) најавува засилени активности за следење на физичките лица кои оствариле приходи преку OnlyFans. FURS апелира до сите креатори кои објавуваат платена содржина да проверат дали се правилно регистрирани и дали ги пријавиле сите приходи остварени преку оваа платформа.
Обврската за пријавување на приходите се однесува и на приходите остварени во претходните години. Креаторите кои нема да бидат во согласност со законот, односно ако се утврди работа на црно, ќе бидат казнети со парична казна од 1.000 до 26.000 евра, а истовремено ќе им биде одземена и финансиската корист која ја оствариле работејќи на црно.
Контролите ќе започнат на почетокот на 2025 година. Инспекциите ќе бидат насочени на проверка дали даночните обврзници, кои ги исполнуваат условите за самостојно, независно и трајно извршување на деловната активност, имаат соодветна регистрирана активност за обавување активности преку онлајн платформи и дали приходите се пријавени во согласност со законодавството.
FURS објави упатства за правилно пријавување на приходите од бизнисот преку онлајн платформи и како да се регистрира активноста за претходното и идното работење.
Напомена: Ако не сте ги пријавиле своите приходи, искористете го преостанатиот рок и избегнете казни!
