По масовниот настап во Арената „Борис Трајковски“, Слаткаристика се враќа со нешто сосема ново – прв концерт во Станица 26, каде музиката ќе се случува буквално меѓу луѓето. Овојпат без голема сцена и бариери – само урбан амбиент, пулс и контакт „очи в очи“ со публиката.
Настанот носи свеж концепт во стилот на „Boiler Room“, со сценска поставеност која ја брише границата меѓу изведувачот и публиката. Публиката ќе биде дел од сцената, на чекор од Слаткаристика, во атмосфера на блискост и автентична енергија што ја дефинира неговата музика.
„Очекувајте ги сите најголеми хитови, изведени во амбиент што не сте го доживеале досега“ – најавуваат организаторите. Настанот ќе ги спои урбаниот звук, живата изведба и интимноста на клубски концерт што ја претвора вечерта во искуство, не во настап.
Билетите се достапни во ограничен број преку kupikarta.com.
