Врховниот командант на украинската армија, Олександр Сирски денеска им нареди на воените претставници да забранат распоредување војници во шаторски кампови и да изградат нови засолништа во центрите за обука за да ги заштитат војниците од руските воздушни напади.
Сирски ја издаде оваа наредба поради недостигот на дисциплина во украинските воени бази, што руските сили го искористија и го нападнаа воениот полигон, убивајќи 12 припадници на украинските сили и повредувајќи многу други.
„Моето безусловно барање е да се осигура и подобри безбедноста на војниците во центрите за обука и во полигоните за обука во позадина. Распоредувањето персонал и воена опрема, сместувањето на војници во шаторски кампови е забрането“, објави Сирски на Телеграм.
