Силна експлозија се случила утрово во главниот град на Романија, Букурешт, поточно на Булеварот Рахова, во близина на гимназијата „Димитрие Болинтианеану“. Според првичните информации, тројца лица загинале, а 17 се повредени.
Очевидци изјавиле дека детонацијата била толку силна што ги затресла околните згради.
Меѓу тешко повредените има и еден тинејџер.
Министерот за здравство, Александру Рогобете, соопшти дека е формирана посебна работна група во рамките на Министерството за здравство за координација на медицинските интервенции по експлозијата.
Тој прецизираше дека сите дежурни болници во градот го активирале т.н. „Белиот план“, а медицинските тимови работат во режим на максимална готовност.
