Потресот се случил во неделата во 11:30 часот по локално време, околу 30 километри југозападно од градот Каљао, крајбрежно место што се наоѓа на само десетина километри од главниот град Лима.
Според информациите од полицијата, загинал маж, а повредените лица се префрлени во блиските болници. Локалните медиуми јавуваат дека во неколку општини во регионот на Лима имало одрони.
Метрото во Лима е привремено запрено.
Перу се наоѓа во таканаречениот Пацифички огнен прстен — подрачје со висока сеизмичка активност кое се протега по должината на западниот брег на американскиот континент.
