По повод објавувањето на романот ,,Еуфорија” од шведската авторка Елин Кулхед, македонската публика ја има можноста денес, во 18 часот, да се запознае со писателката на читателски клуб во организација на издавачката куќа ,,Илика”. Настанот е одлична шанса, во неформална атмосфера читателите подобро да ја запознаат авторката и самиот роман, да добијат нејзин потпис и да го споделат нивното читателско искуство. За пријава, потребно е да се испрати краток мејл на издавачката куќа. Инаку, промоцијата на ,,Еуфорија” се одржа вчера, во Europe House, а беше водена од универзитетската професорка, писателка и преведувачка Калина Малеска.
Воедно, ,,Илика” во сабота во амбиентот на својата книжарница ќе го прослави својот прв роденден и ги поканува читателите на заедничко одбележување и дружење. Посетителите ќе можат да ги погледнат новите наслови и да играат неколку забавни игри подготвени од тимот на книжарницата. Зимскиот амбиент ќе го дополнат греено вино, убава музика и безалкохолните пијалоци кои може да се најдат во кафе-книжарницата.
