Имено, на есенската аукција на Propstore во Лос Анџелес, закажана за септември, ќе има бунтовнички шлем користен при снимањето на филмот The Empire Strikes Back за време на легендарната престрелка на ледената планета Хот.
Кацигата е дизајнирана од добитникот на Оскар, Џон Моло, и денес е во оригинална, нереставрирана состојба. Она што го прави посебен овој експонат е тоа што е еден од само двата преостанати шлемови со оригинална внатрешна облога, што го прави вистински бисер за колекционерите – особено затоа што за прв пат во последните 25 години се појавува на јавна аукција.
Точната сума сè уште е непозната, но експертите за аукции проценуваат дека сумата ќе се движи помеѓу 200.000 и 400.000 американски долари, доволно за да се отплатат сите долгови на Хан Соло кон Џаба Хат.
Продавницата за реквизити имаше среќа со „Војна на ѕвездите“ во последниве години: легендарниот bowcaster на Чубака (768.000 долари) и медалот на Лук за Битката кај Јавин (378.000 долари) се искачија на повисоко ниво. Остануваат уште неколку месеци до аукцијата, па големите (и богати) фанови имаат време да си ги прочешлаат џебовите и да ги зајакнат своите буџети.
