Според холандските медиуми, апсењата се извршени во последните три дена, а осомничени се момчиња на возраст од 12, 13 и 15 години од Ротердам, 14-годишно девојче од Ротердам, 14-годишно момче од Маарсберген и 16-годишно момче од Енсхеде.
Малолетниците станаа осомничени по истрагата, а некои од нив се пријавиле сами во полиција, пишува Telegraaf. Полицијата не ја исклучува можноста за понатамошни апсења. Освен тоа, се осомничени за поседување на огнено оружје и муниција. „Секој осомничен се испитува индивидуално за неговата улога во овој инцидент“, соопшти полицијата.
Сите малолетници кои се уапсени се во притвор и ќе бидат приведени пред истражен судија во Ротердам денес и утре, кој ќе одлучи дали ќе им се продолжи притворот. Неколку часа по инцидентот, полицијата пронашла огнено оружје на тревна површина во близина на стамбената зграда, пренесува Telegraaf.
Момчето во критична состојба пренесено во болница
Момчето морало да биде реанимирано и пренесено во болница во критична состојба. Токму што се случило на местото на злосторството сè уште не е јасно, но полицијата утврдила дека 11-годишникот бил прострелан. Неговата состојба се уште е сериозна.
Истражувањето на Telegraaf открило дека младите луѓе кои биле во станот, каде што дошло до пукањето, биле дел од група на многу млади “drill” рапери кои создавале проблеми во соседството, застрашувајќи и заканувајќи им се на другите. Не е јасно дали жртвата била исто така дел од оваа “drill” рап група.
„Drill“ рап е поджанр на хип хоп музиката кој се развил во Чикаго во раните 2010-ти години, а подоцна стана глобално популарен, особено во Велика Британија. Се карактеризира со агресивен, често мрачен тон, со текстови кои се занимаваат со насилство, криминал и живот во проблематични квартови.
