Со повеќе начини за консумирање мултимедијални содржини од кога и да било, иднината на телевизорите во хотелите е загрозена. Се повеќе хотелиери мислат дека нема повеќе потреба од телевизори во хотелските соби.
Повеќето од нас би се согласиле дека во 2023 година, очекувате во вашата хотелска соба да имате телевизор. Без разлика дали се работи за мотел со една ѕвезда или одморалиште со пет ѕвезди, телевизор со рамен екран е стандарден дел од мебелот во собата.
Но, дали работите се менуваат? Со порастот на услугите за стриминг и зголемената разновидност на мобилни уреди од кои корисниците можат да гледаат што сакаат, каде и да посакаат, телевизорите во хотелите стануваат помалку потребни во собите.
Хотелите и одморалиштата се помалку поставуваат големи телевизори
Многу хотелиери ја преиспитуваат релевантноста и потребата на телевизорите во сè потехничко време, а меѓу таквите е и хотелот Вади Сабара во Марса Алам, Египет.
„Го дизајниравме хотелот за да ве оддалечи од светот на кој сте навикнати и да ве внесе колку што е можно повеќе во источната пустина и Црвеното Море“, објаснува тој. „Вашиот ‘телевизор’ овде е поглед на морето и пејзажите од нашите балкони и ресторанот. Зошто да летате во Египет за да го правите она што го правите дома?“
Тој не е сам во своето размислување. Покрај езерото Комо, секој апартман во Вила Ларио има директен поглед на езерото. На отворањето во 2014 година, беше одлучено да не се постават телевизори. Според Флоре Пилцер, кој работи маркетинг на имотот, сопствениците „повеќе би сакале гостите да уживаат во воодушевувачкиот поглед од нивната спална соба“.
Во рамките на Версајската палата, Le Grand Contrôle е хотел со 13 соби во зграда стара речиси 350 години, изградена од омилениот архитект на Луј XIV, Жил Хардуен-Мансарт. Кога беше отворен пред две години, тимот одлучи да ги изостави телевизорите со цел собите да останат во склад со темата на имотот од 18 век.
Отстранувањето на телевизорите од хотелските соби не е едноставно
Дали да остане или не телевизорот во хотелската соба не е толку едноставна одлука. За Самир Хамам, сопственик на хотелот Вади Сабара, за одлуката за поставување телевизори влијание има и владата. Во Египет, лиценците за хотели доаѓаат со одредени одредби. Ако имотот е категоризиран како еко-ложа, не се потребни телевизори, но ако е хотел со ѕвезди, телевизори се задолжителни.
Самир не го гледа Вади Сабара во ниту една од овие категории и работи со Министерството за туризам од отворањето во јули 2022 година за да го открие најдобриот пат напред.
„Министерството е флексибилно, но како и со секоја голема бирократија, потребно е време да се пренесе вашето гледиште“, објаснува тој. „Додадов ТВ соба во хотелот и покрај тоа што им кажав дека нашите гости не го сакаат тоа. Им објаснив дека не штедам пари бидејќи еден 83-инчен телевизор чини повеќе од сите 32 телевизори што сакаа да ги ставиме во собите“.
Иако се чини дека планот помогнал во преговорите, Самир артикулира дека клиентите навистина не го прифаќаат тоа и дека ТВ-собата сè уште не се користи многу редовно.
Во Падингтон, во срцето на Лондон, основачот на The Pilgrm, Џејсон Катифеоглу, дебатираше со своите деловни партнери дали да поставува или не телевизори во собите на хотелот.
За него, јадрото на имотот беше одржливоста. Неговата страст е да пронајде неупотребени имоти, потоа да ги обнови и да ги претвори во хотели користејќи што е можно повеќе рециклирани и пронајдени материјали. Имотот нема двојно застаклување или клима; првото за да се избегне нарушување на оригиналните прозорски рамки на зградата, а второто за да се сведе потрошувачката на енергија на минимум.
На крајот, Џејсон избра да постави телевизори во сите, освен во три од најмалите соби. За него, се чувствуваше како преголем ризик да ги нема, иако се уште размислува за тоа дали да вклучува телевизори во идните хотели кои ќе ги отвора.
Дали на гостите на хотелите им недостасуваат телевизори?
Многу хотели сега нудат бесплатен Wi-Fi во собите, така што има доволно можности да гледате содржина во удобноста на вашата соба без телевизор.
Сепак, набљудувањата на хотелиерите за однесувањето на гостите сугерираат дека сепак гостите не гледаат толку филмови и серии колку што се мисли.
Флоре Пилцер од Вила Ларио објаснува: „Гледаме дека повеќето клиенти земаат книги и ги оставаат своите телефони и таблети зад себе. Многу наши клиенти не ни дека немаме телевизори“. За десет години хотелот имал само две барања да се донесат телевизори во нивните соби.
Во Вади Сабара, Амам повторува дека немало поплаки за недостаток на телевизори. Навистина, кога тој разговара со гостите за тоа, повеќето му кажуваат да ги задржи собите такви какви што се. Сепак, вообичаено е да се гледаат гости кои гледаат филмови и серии на нивните уреди низ хотелот.
Некои хотели, иако немаат поставено телевизори во собите, ги имаат уредите и се подготвени да ги постоват доколку тие се побарани од гостите, таков е хотелот Bequia Beach во Сент Винсент и Гренадини.
Филип Морстед, директор за имот, вели „Големо мнозинство гости дури и не сфаќаат нема телевизори и малкумина што сакаат може да добијат еден од персоналот“.
Недостатокот на телевизори очигледно дури и го подобрува престојот на нивните клиенти, бидејќи на Морштет често му се заблагодарувале паровите бидејќи ја подобрувале социјалната интеракција.
Како отстранувањето на телевизорите би влијаело на дизајнот на собите?
Ако телевизорите почнат постепено да се тргаат од хотелите, најверојатно тоа ќе има ефект на на дизајнот на собите и внатрешниот распоред.
Артем Кроповински, дизајнер и основач на Arsight, компанија за внатрешен дизајн со седиште во Њујорк, вели дека: „Со децении, распоредот на собите во домовите и хотелите е диктиран од поставувањето на телевизорот, но како што технологијата станува поиндивидуализирана и помобилна, деновите на целото семејство или група пријатели седат околу ТВ се се помалку“.
Тој тоа го видел од прва рака со своите клиенти. „Постои видлива промена во приоритетите“, вели тој. „Иако сè уште има значителен број кои претпочитаат телевизорот да биде фокусна точка, многумина сега бараат алтернативни централни елементи. Ова може да варира од прекрасно огниште до уметничко дело или дури и неверојатен поглед од прозорецот“.
Бред Смит, извршен директор и главен дизајнер на ентериер во Omni Home Ideas, исто така забележал промена на приоритетите, при што многу од неговите клиенти изразиле дека не сакаат телевизорот да доминира во нивните дневни соби. Наместо тоа, тие фаворизираат флексибилни распореди, каде што фокусот е на социјалната интеракција, естетиката или дури и прекрасниот поглед надвор. За оние кои сè уште сакаат телевизор, популарни се скриените инсталации како моторизирани лифтови или кабинети, кои овозможуваат телевизорот да исчезне кога не се користи.
Каква е иднината за телевизорите во хотелските соби?
Во далечната 1950 година, кога Јамајка Ин, во Јамајка, ги отвори вратите, телевизорите беа видливо отсутни – храбар избор за хотел синоним за една од најголемите филмски франшизи на сите времиња: Џејмс Бонд.
Сопственикот на хотелот, Ерик Мороу, вели дека гостите ја имаат целата забава што им е потребна надвор. „Ве чека врвно искуство со висока дефиниција додека ја отворате вратата и гледате кон плажата и различните нијанси на сино во Карибите“. Меѓутоа, за оние кои бараат кинематографска возбуда, хотелот има „Бонд на плажата“, каде што еднаш неделно прикажуваат филм за Џејмс Бонд. Гостите можат да гледаат и слушаат со Bluetooth слушалки и пуканки.
Дали телевизорите за хотелски соби опаѓаат во популарноста во туристичката индустрија допрва треба да се види. Честопати тие се речиси постојан извор на рекламирање за брендот на хотелот и често се користат за обезбедување информации за хотелот. Плус, различни дестинации и пазари имаат различна демографија на клиентите и разновидни приоритети за услуги, од кои многу ќе бараат телевизор во собата.
Сепак, со континуираната еволуција на преносливите уреди и можноста за гледање на содржини, важноста и улогата на хотелските телевизори ќе се промени во наредните децении.
Извор: Euronews
