Во предложените законски измени се предвидува олабавување на условите за тоа кои студенти имаат право на субвенциониран студентски оброк.
Доколку се усвојат измените, право на оброк ќе имаат и студентите на постдипломски студии, кои досега беа изоставени од оваа мерка.
Сепак, износот на субвенциите останува 140 денари, како што е од 2023 година, и нема да се зголеми на 160 денари согласно барањата на студентите. Студентите што ги исполнуваат условите ќе добиваат 840 денари неделно и покрај тоа што цената на речиси сите прехранбени производи порасна изминатиот период.
Универзитетското студентско собрание на УКИМ утре ќе одржи прес-конференција во 12:00 часот, во Студентскиот Културен Центар во Скопје за презентирање на предлог измените. Тие ги повикуваат пратениците од сите политички субјекти да ја поддржат предложената измена и да дадат свој придонес во унапредување на правата на студентите и подигнување на студентскиот стандард.
