Американскиот воен брод USS Tripoli (LHA-7), со околу 3.500 морнари и маринци, пристигна на Блискиот Исток, соопшти Централна команда на САД (CENTCOM).
Според соопштението, бродот влегол во зоната на одговорност на командата на 27 март, во момент кога растат тензиите и се разгледуваат нови воени опции во однос на Иран.
Пентагон разгледува следни чекори
Според CNN, Пентагон планира дополнително распоредување на експедициска единица на маринци во регионот.
Овие единици се специјално обучени за различни мисии – од масовни евакуации до амфибиски операции, вклучувајќи напади од море кон копно.
Подготвеност за „непредвидени ситуации“
Експедициските сили на маринците располагаат со копнени и воздушни борбени капацитети, а дел од нив се обучени и за специјални операции.
Според извори блиски до распоредувањето, нивното присуство им овозможува на американските команданти поголема флексибилност и подготвеност за „различни непредвидени сценарија“ во регионот.
Распоредувањето доаѓа во време на засилени геополитички тензии, што укажува на можност за натамошна ескалација на состојбата на Блискиот Исток.
