Американските власти денес ги повикаа државјаните на САД веднаш да го напуштат Иран поради постојаните немири во земјата.
„Протестите низ целиот Иран се интензивираат и би можеле да станат насилни, што може да доведе до апсења и повреди“, соопшти Виртуелната амбасада на САД во Иран на својата веб-страница.
Во соопштението се наведува дека американските државјани треба да очекуваат континуирани прекини на интернетот, да планираат алтернативни средства за комуникација и, доколку е безбедно, да размислат за напуштање на Иран по копнен пат, преку Ерменија или Турција.
