Една жена е убиена во напад со украински дрон во рускиот регион Белгород, соопштија денеска локалните власти.
Петгодишно дете исто така е повредено кога била погодена приватна куќа во селото Драгунское, напиша гувернерот Вјачеслав Гладков на Телеграм. Имало неколку пожари, додаде тој.
Украина се брани од руска инвазија повеќе од три и пол години. Како дел од својата одбранбена борба, таа напаѓа цели во Русија.
Бројот на жртви и штетата што Украина ги нанесува на руска територија не се во пропорција со разорните последици од војната во Украина, потсетува ДПА.
