Во израелските напади врз Иран наводно се убиени иранскиот министер за одбрана и еден од највисоките воени функционери во земјата, јавува агенцијата Reuters, повикувајќи се на три извори.
Според информациите, загинал иранскиот министер за одбрана Amir Nasirzadeh, како и командантот на Islamic Revolutionary Guard Corps, Mohammed Pakpour. Два извори биле запознаени со израелските воени операции, додека третиот е регионален извор, наведува Reuters.
Убиен и Али Шамхани?
Покрај овие информации, се појавија и извештаи дека во нападите можеби е убиен и Ali Shamkhani, секретар на иранскиот Врховен совет за национална безбедност и еден од клучните советници на врховниот лидер Ali Khamenei.
Според наводите, Шамхани, кој со години важеше за столб на иранскиот безбедносен систем, загинал во заедничките американско-израелски воздушни напади. Овие информации засега немаат официјална потврда од иранските власти.
Ескалација: Иран возврати со ракетни напади
Да потсетиме, САД и Израел започнаа напади врз Иран, по што Техеран возврати со напади врз повеќе американски воени објекти на Блискиот Исток, изјавил американски функционер за NBC News.
Според иранската државна новинска агенција Fars News Agency, Иран извршил повеќекратни ракетни напади врз четири американски бази воздушната база Al Udeid Air Base во Катар, базата Al Salem Air Base во Кувајт, воздушната база Al Dhafra Air Base во Обединетите Арапски Емирати, како и базата на Петтата флота на американската морнарица во Бахреин.
Непосредно пред тоа, државната агенција на Бахреин, Bahrain News Agency, објави дека центарот на Петтата флота „бил изложен на ракетен напад“.
Ситуацијата на Блискиот Исток драматично ескалира, а стравувањата од поширок регионален конфликт растат од час во час.
