Во рамки на истрагата што ја води Високото јавно обвинителство Белград, полицијата извршила претрес во зградата на Ректоратот на Универзитетот во Белград, при што биле пронајдени бројни предмети кои не се соодветни за академска институција.
Меѓу пронајдените работи има пиротехника како петарди и таканаречени топовски удари, но и спрејови, шприцеви, игли, брауниле, инфузии, мегафони, радио станици, воки токи уреди и воени гас маски. Дополнително, биле откриени и транспаренти со политичка содржина, завои, бои и други предмети.
Претресот бил спроведен по налог на обвинителството, како дел од предистражна постапка за утврдување на пропусти во безбедноста на студентите и вработените. Истрагата е директно поврзана со настанот од 26 март, кога по активирање пиротехнички средства во зградата на Филозофскиот факултет, 25 годишна девојка го загуби животот.
Обвинителството најави дека дел од пронајдените предмети ќе бидат предмет на вештачење, со цел да се утврди дали се поврзани со трагичниот настан. Исто така, одземени се и сервери со видео снимки од зградата за дополнителна анализа.
Целиот случај отвора сериозни прашања за безбедноста во образовните институции и можните пропусти кои довеле до трагедијата, додека истрагата продолжува.
