Темпото на пропаѓање на германските компании нагло се забрза во декември, соопшти во понеделникот Destatis. Бројот на банкроти е за 15,2% поголем отколку пред 12 месеци, по 5,7% во ноември.
Бројките покажуваат само започнати постапки, а не и завршени процедури за несолвентност, кои обично траат околу три месеци, додаваат статистичарите. Само завршените постапки се вклучуваат во конечниот број, пренесува dpa.
Засега официјалните податоци за целата година не се достапни, но Институтот за економски истражувања во Хале (IWH) проценува дека бројот на пропаднати компании, 17.604, го надмина рекордот од 2009 година, во врвот на светската економска и финансиска криза.
Компаниите пропаѓаат поради проблеми кои потекнуваат уште од кризата предизвикана од пандемијата, но и поради растечките камати на заеми, наведува IWH во анализа. Свој придонес даваат и економските проблеми во Германија.
Особено често пропаѓаат претпријатија во секторите транспорт, угостителство и градежништво.
