Како што пренесува NL Times, многу мали пиварници биле принудени да затворат поради зголемените трошоци, што ја намалува профитабилноста на производството на пиво.
Во 2010 година во Холандија имало само 75 пиварници – речиси десет пати помалку отколку денес. Брзиот раст на бројот на пиварници главно се должел на отворањето на мали, независни производители.
Од 2010 година, бројот на пиварници што ги води една личност се зголемил за 380, оние со двајца сопственици за 160, а пиварниците со тим од три до пет работници се зголемиле за 75.
И покрај значителниот раст на бројот на пиварници, прометот во секторот се зголемил за само 8% во периодот од 2016 до 2022 година. Наспроти тоа, оперативните трошоци во истиот период скокнале за 26%.
Според Здружението на холандски пивари, овој тренд не е изненадување. Тие посочуваат дека, и покрај намалувањето, Холандија сè уште има повеќе пиварници по глава на жител отколку традиционалните пиварски земји како Белгија и Германија.
