Директорот на Архивот на јавни собири на Србија, Александар Губаш, соопшти дека врз основа на достапните висински снимки направени вчера околу 17 часот, овој архив утврдил дека на протестот во Белград присуствувале околу 100.000 граѓани.
Од Архивот наведуваат дека тоа е најголем протест не само против актуелните власти, туку и најголем протест било кога одржан во Србија. На Славијата и во прилазните централни белградски улици се собрале повеќе луѓе отколку што се наоѓале околу Собранието во најкритичните моменти на 5. октомври 2000 година, велат од Архивот.
Исто така, тврдат тие, ова е двојно поголем број на демонстранти отколку на летниот протест против Рио Тинто на Теразија, а исто така и двојно поголем број на присутни отколку што актуелната владејачка коалиција некогаш успеала да собере на едно место.
Секако, ова бил и најголемиот настан во историјата организиран од студентите во Србија, се истакнува во соопштението.
Покрај другите рекорди, првпат откако Архивот на јавни собири бележи различни видови на собирања, се случило дека е утврдена просечната густина на отворено да биде поголема од две лица на квадратен метар.
Исклучително масовен протест во организација на студентите се одржал вчера и во Ниш, каде што се собрале околу 7.000 демонстранти, што во однос на бројот на население, како на 53.000 во Белград, заклучуваат тие.
