Раните часови на протестите:
- 06:00 – Започнаа блокади на три големи крстосници во Нови Сад (кај ГСП, Меркатор и раскрсницата Темеринска – Партизанска).
- 06:30 – Протест започна и во Чачак.
- 07:00 – Студентите и граѓаните се собираат во Белград, Ниш, Нови Пазар и Крагуевац.
Ширум Србија започнаа блокади на улици:
- Во Белград, граѓаните ја блокираа улицата Кнез Вишеславова во Раковица, одејќи по пешачки премини каде нема семафори.
- Крагуевчани го блокираа сообраќајот кај кафаната „Балкан“ и кај Соборната црква, а потоа се префрлија кај „Уредот“.
- Во Ниш, пред Основниот суд, се собраа околу 200 граѓани. Полицијата ги предупреди да не ја блокираат улицата, по што тие се повлекоа на коловозот.
Интервенции и приведувања:
- Според извештаите, полицијата започна со отстранување на контејнери и канти, со цел расчистување на улиците во Белград.
- Полицијата е присутна со опрема за растерување демонстрации на повеќе локации, особено на Плоштад Република во Белград.
- Според податоци од МВР на Србија, до овој момент се приведени 79 лица низ целата држава.
- Во Нови Сад се известува за најмалку три приведени лица, а едно лице е приведено и во Крагуевац, откако одбило легитимација.
Пораки од студентите:
Неформалната група на студенти во Ниш испрати порака до учесниците на протестот:
„Не бидете гласни покрај ‘мариците’. Полицајците дремат внатре и не можат да се наспијат – многу се уморни.“
Студентите објавија и УПАТСТВА за безбедно протестирање:
- Не влегувајте во физички или вербални конфликти.
- Ако се појави полиција во специјална опрема – мирно повлечете се. Може да се преместите на друга блокада или да се вратите подоцна.
- Бидете во големи групи.
- Колку покреативни барикади – толку подобро!
- Снимајте инциденти и испратете ги до правни тимови или профилите на студентите.
- Не снимајте лица на оние кои вршат граѓанска непослушност.
Пропуштајте:
- Итна медицинска помош
- Родители со деца
- Трудници
- Медицински лица
- Достави на храна и лекови за болници
Протестите се одржуваат и како реакција на барањата за вонредни парламентарни избори и наводни кршења на Уставот и законите од страна на институциите.
