Студентите носеа транспаренти со пораки како „Ќе расчистуваме“ и испраќаа лични пораки до своите професори – и критики до оние кои, според нив, ги оставиле во најтешките моменти, и благодарност до оние што им се придружиле како вистински сојузници.
Посебна симболика имаше и „столбот на срамот“, кој студентите го носеа од еден до друг факултет, оставајќи пораки адресирани до конкретни професори, според нивните одлуки и постапки.
Голема благодарност денеска добија професорите од Факултетот за филолошко-уметнички студии (ФИЛУМ) и Факултетот за инженерски науки, кои со јавно гласање масовно го одбија предлогот за премин на онлајн настава.
Иако локалните власти оваа година не ги вклучија студентите ниту во конкуренција за највисоката градска награда по повод Ѓурѓовден, самите професори им доделија „алтернативни Ѓурѓовденски признанија“, во знак на поддршка и солидарност.
