Истражувачот од University of Oxford, Оливие Стерк, воведува концепт наречен „average poverty“ (просечна сиромаштија). Наместо класични линии на сиромаштија, овој модел мери колку време е потребно за да се заработи 1 „меѓународен долар“, кој има иста куповна моќ во сите земји.
САД vs Европа: време за 1 долар
Според податоците, во Соединети Американски Држави просечно се потребни околу 63 минути за да се заработи 1 долар.
За споредба, Германија околу 26 минути, Франција околу 31 минута а Обединето Кралство – околу 34 минути
Ова укажува дека „просечната сиромаштија“ во САД е приближно двојно повисока од дел од европските економии.
Раст на нееднаквоста во САД
Истражувањето покажува дека и покрај растот на приходите во САД, нееднаквоста значително се зголемила во последните децении.
Токму тоа, според Стерк, е главната причина зошто сиромаштијата „во просек“ расте, дури и кога економијата се шири.
Во Европа, приходната нееднаквост била постабилна, па економскиот раст повеќе се претворал во намалување на сиромаштијата.
Авторот нагласува дека економски раст сам по себе не значи и помала сиромаштија. Клучниот фактор е распределбата на богатството, односно колку рамномерно растот се дели меѓу населението.
