Утре, сабота, 26 јули 2025 година, со почеток во 18:00 часот, во Мобилната/Монтажна галерија (локација: Парк на Франкофонија) ќе се одржи промоција на уметничка книга и отворање на самостојна изложба „Пловидба“ на уметницата Александра Ацеска.
Во рамки на промоцијата на уметничката книга FLOW (ПЛОВЕЊЕ), ќе се одржи разговор помеѓу Александра Ацеска, Филип Димкоски и Иван Ивановски.
FLOW (ПЛОВИДБА)
Белешка на уметницата:
Flow го истражува патот на животот преку водата. Проектот е составен од уметнички дела, како и уметничка книга која се состои од неколку приказни инспирирани од искуството на уметницата во Кина и четири жени чии патишта се спојуваат и разидуваат, во периоди на промени, интроспекции и созревање. Flow ја следи филозофијата дека животот, како водата, е постојана промена. Тоа е потсетник дека отпорноста, радоста и рамнотежата не се дестинации — туку текови што ги учиме
Белешка на уредникот:
„При преминувањето во друг свет, човек мора да научи да не носи оган, туку да се движи како вода“.
Додека го одмотуваме овој свиток откриваме пет приказни на жени на кој животниот тек им се вкрстува во современа Кина. Водена од елементарното присуство на водата, книгата исцртува суптилен пат низ секојдневното, каде приватното излегува на виделина и остава сведоштво како клисура.
Во ера често дефинирана со реториката на цивилизациски судир, ова дело се движи во поинаков ритам. Токму во овие лиминални простори FLOW нуди повеќе од наратив, почнува да гради мост.
Ацеcка Александра, Родена 1994 година во Прилеп, Северна Македонија Живее и работи во Фошан, Кина. 2017 г. дипломирала на Универзитет „Св. Кирил и Методиј“, Факултет за ликовни уметности Скопје, одсек сликарство и графички дизајн, 2023 г. магистрира на сликарство на Факултетот за ликовни уметности, Скопје,РСМ.
Избрани самостојни изложби: 2024: – „FLORAL LIMBO“, Музеј на уметноста Сан Та, село Зини, област Панју, Гуангџоу, Кина; 2023: – „II“, Галерија на ФЛУ (Факултет за ликовни уметности), Скопје, РСМ; – „Реформации“, Федерација на книжевни и уметнички кругови, област Нанхаи, Фошан, Гуангдонг, Кина; 2018; – „PORTA PINUS“, Музеј на град Скопје, Скопје, РСМ; 2019: – „DIDYMUS“, Културен центар Марко Цепенков, Прилеп, РСМ; –„DIDYMUS“, Културен центар Кочо Рацин, Кичево, РСМ;
Избрани групни изложби: 2024: – „Three hundred miles away“, изложба за современа уметност по повод 30-годишнината на Fangyuan, Музеј за уметност Baozhen hall, Гуангџоу, Гуангдунг, Кина; – „2nd Healing expo“, Центар за конференции и изложби, Футијан, Шенџен, провинција Гуангдунг, Кина; – „Joy, Life“, Меѓународен конвенционен и изложбен центар Xi’an, Xi’an, провинција Шаанкси, Кина; – „Encountering Blossoms“,Музеј за уметност Parallel lines Baozhen hall, Гуангџоу, Гуангдунг, Кина; 2023: – Уметнички саем ART CANTON, групна изложба, Културен центар Чиошан, град Сичјао, Фошан, Гуангдонг, Кина; 2019: – „Rencontre Franco-Macedonienne“, групна изложба на македонски и нормандиски уметници, Јавна соба, Скопје, РСМ; 2019: – „Portals“, групна изложба на млади уметници, дел од проектот CreArt, Музеј на град Скопје, Скопје, РСМ.
Награди: 2024 – Награда „Извонреден меѓународен IB наставник“, Училиште Guandong Country Garden, Фошан, Гуангдонг, Кина; 2017 – Награда и грант „Борко Лазески“, најинвентивен сликар од генерацијата 2017, Факултет за ликовни уметности, Скопје; – Награда „Ponte di Pietra“, четврто издание на Меѓународен саем за современа уметност – Paratissima, Скопје, РСМ; – Drimon и INKA награден уметник, Меѓународен саем за современа уметност Paratisima, Скопје, РСМ;
