Португалија е меѓу земјите со најдолги работни недели во Европската Унија, покажува анализа на Randstad Research базирана на податоци од последниот квартал на 2025 година, пренесена од Euronews.
Според податоците, дури 9,1% од вработените во Portugal редовно работат 49 или повеќе часа неделно, што е значително над просекот на EУ од 6,5%.
Португалија е четврта во ЕУ по овој индикатор. Пред неа се: Грција (12,4%), Кипар (10%) и Франција (9,7%)
Зад Португалија се Германија и Шпанија, каде уделот на луѓе со долги работни недели е значително понизок.
И покрај постепено подобрување од 2000 година наваму, анализата наведува дека Португалија и понатаму задржува „култура на долго работно време“, која најмногу ги погодува самовработените и работодавачите.
Во однос на образованието, земјата има раст на високообразувани работници, но сè уште заостанува зад европскиот просек, со поголем удел на нискоквалификувана работна сила.
На врвот по процент на високообразувани работници во ЕУ е Ирска, додека најниско е Романија
Исто така, уделот на странски работници во Португалија расте, но сè уште е под земји како Луксембург и Шпанија, што укажува на зголемена, но сè уште ограничена миграциска работна динамика.
