Приказната за папучите Birkenstock е многу повеќе од приказната за подемот на германскиот производител на обувки. Откако беа синоним за „грди влечки“ што ги носеа здравствените работници и хипиците во поголемиот дел од нивната 249-годишна историја, денес тие се сметаат за едни од најпосакуваните и најпогодни парчиња во летната сезона.
Популарноста на папучите на Birkenstock не опаѓа од сезона во сезона. Многу познати личности ги носат, но секоја друга личност што ќе ја сретнете на улиците на балканските метрополи носи папучи од Birkenstock или барем модел на друг бренд инспириран од ова исконско парче.
Излитени папучи од Birkenstock се продадени за 200.000 долари
Еден од основачите на Apple, Стив Џобс, толку многу влијаеше на луѓето што еден суперфан плати повеќе од 200.000 долари за стар пар од неговите папучи Birkenstock.
Џобс ги носеше влечките додека работеше со Стив Возниак во домот на неговите родители во Лос Алтос, Калифорнија. Се вели дека тој пар иконски кафеави папучи од Birkenstock биле носени „за време на многу клучни моменти во историјата на Apple“.
Се очекуваше дека папучите ќе се продадат за 60.000 долари, но на крајот стигнаа до добитна понуда од 218.750 долари.
Гумени за плажа
Класичниот модел со кожени ремени и ѓон од плута е голем тренд ова лето, но новите модели изработени од лесна гума се многу актуелни последните сезони, а ги има во сите нијанси на бои.
Цените се движат од прифатливи 40 евра до дури 1.600 евра за некои ограничени колекции, а оригиналните модели, како и оние инспирирани од нив, се продаваат буквално во секоја продавница за чевли и во Македонија.
