Вработените на белградскиот Медицински факултет од денес започнуваат со штрајк кој се однесува на престанок на образовни и научно-истражувачки активности, се соопштува од тој факултет. Штрајкот нема да го загрози здравственото работење, а како што се наведува на веб-страницата на Факултетот, таква одлука била донесена на состанокот одржан на 12. март.
Како што за Фонет изјавил професорот на Медицинскиот факултет Петар Булат, Наставниот совет на факултетот ја поддржало одлуката дека овој штрајк ќе трае до исполнување на студентските барања.
Тој истакнува и дека денешниот 17. март, кој претставниците на властите го споменуваа како ден Д за опстанок на академската година, тоа не е така и дека сѐ може да се надокнади.
„Наставниците се неверојатно посветени на студентите и кога било да се донесе одлука да се продолжи со наставата, ќе направиме сѐ за студентите да добијат што повеќе за што помалку време и да се што побрзо системот врати во нормала“, изјави Булат.
Додава дека сѐ може да се компензира, со поместување на следната училишна година ако тоа е неопходно, така што никој нема да биде на губиток. Признава дека имал сомнежи во однос на некои од одлуките на студентите, но дека секој пат бил демантиран.
„Да сте ме прашале, јас мислев дека повеќето студентски одлуки се погрешни, а на крај ме уверија дека секоја била подобра од претходната. Овие млади луѓе не не изненадиле со квалитетот на своите одлуки“, рече Булат.
