Американскиот министер за одбрана Pete Hegseth изјави дека Соединетите Американски Држави ги задржуваат сите опции отворени во однос на Иран, додека истовремено повикуваат на дипломатско решение. Тој нагласи дека претседателот Donald Trump претпочита договор, но војската е подготвена и за други сценарија доколку разговорите не успеат.
Хегсет порача дека Иран има можност да постигне договор и дека тоа би било најдобро решение за сите страни. На прашањето дали се разгледува и воена опција, тој кусо одговори дека „сè е на маса“, потенцирајќи дека конечната одлука ја носи претседателот.
Претходно, Трамп ги отфрли медиумските извештаи дека началникот на Здружениот штаб, генерал Daniel Caine, предупредил на ризици од евентуална воена интервенција. Тој изјави дека одлуката за евентуална акција ќе биде негова и повтори дека повеќе би сакал договор отколку конфликт.
Во меѓувреме, делегациите на САД и Иран се очекува повторно да се сретнат во Женева, Швајцарија, каде ќе продолжат разговорите за можен нуклеарен договор во услови на зголемени тензии во регионот.
